doR:
Ferdinand Rink
FECHA:
January 15, 2016
E parada di karnaval di Kòrsou, esun di mas bunita!!

E parada di karnaval na Kòrsou ta segun mi esun di mas bunita den Reino Ulandes. E amor pa detaye i originalidat ta algu eksepshonal. E parada di mucha, parada di tiner i e gran Marcha ta un enkanto pa bista di hende. 

E dedikashon i entusiasmo ta refelehá kompletamente den e partisipantenan. Gruponan di 200 plus i gruponan chikitu ta pone bo para ketu un ratu. Hopi biaha na final bo no por hasi un eskoho kua tabata esun di mas bunita. E Marcha di Despedida, ‘’Le gran final’’ ku ta tuma lugá semper riba un djamars anochi ta na su lugá e gran final. Ta e mesun parada ku esun di djadumingu pero poko mas informal. Hopi trahe ta dòrná ku lus i ta lusi hopi mas. E sensualidat di e partisipantenan femenino, e hòmbernan machu, tur ta di shmenk manera un pintura, e públiko miradó bailando riba ritmonan kayente, wiski ku Sprite i serbes Polar ta skeiru. Bo mester eksperenshá esaki maske ta un biaha. Un fiesta ku kada aña atrobe bo ta anhelá.

Komo kamarógrafo riba Kòrsou niun dia no ta meskos. Sea ta trata di karnaval, un kasamentu òf un dokumental. Kòrsou ta un adorno grandi, ku su poblashon di 109 diferente nashonalidat ku ta bai generashonnan atrás, e beyesa di e arkitektura bieu i e paysahe úniko. E temperatura, e bientu di pasat, e sintimentu di bai poko poko. No ta importá ki banda bo ta dirigí bo kamará, kasi tur kos ta bunita. Esaki ta duna bo un sintimentu di ta privilegiá. Bo ta ripará tambe ora parehanan di brùit ta primintí otro pa ta fiel pa eternidat kanti laman ora solo baha, aktornan ekstranhero ku kada biaha di nobo ta keda sorprendí ora nan filma na un lokalidat bunita atrobe, i e hendenan lokal ku pa kasualidat ta pasa hari i forma parti di un reportahe. Carpe diem ta wòrdu skibí ku lèter kapital, mayoria di biaha esaki no ta komprendibel pa un hende straño. Hopi biaha mi ta purba na splika i despues ta aparesé un sonrisa komprensivo riba kara di e ulandes òf merikano. “It’s a way of life, I like filming it and to be a part of it! 

Apresiá e galeria di vidio di Ferdinand!