Bon bini!

Mi nòmber ta Corine van Ringen, esun bistí na shinishi riba e potrèt :-).Nos tin 2 aña i mèi ta biba na Kòrsou, relashoná ku trabou di mi kasá. Nos ta ekpersensiá Kòrsou komo un isla mashá bunita! Mi ta gosa di kada minut aki; di su playanan, di hende, di solo, di e bida sin stress, the Carribean way of life! Durante henter aña mi no tin niun tiki molèster di nostalgia té... despues di fakansi di fin di aña...

Un parti di mi, komo desendiente di Limburg, ta kuminsá sinti un intrankilidat. Mi ta sinti falta di e ambiente promé ku "Vastelaovend", manera nos ta yama Karnaval na Limburg (nos patria). E intimidat, e kreatividat, e echo ku henter kas ta pasa den un transformashon enorme, nos kas ta un bira tayer di tur sorto di obra kreativo i ambiente di plaser, disfras i predivertimentu... Maske mi ta biba 7000 kilometer leu for di mi pais, e temporada di aña ei, ta ankrá profundamente den mi kurason.

Esei ta pone ku ... Unabes Vastelaovend kuminsá, ata e nostalgia...

(Ai ai ai, ora mi amigunan manda whatss-app for di nan  "shap", eorei si, mi no ke ta aki, pero den "shap...!!!  "Vastelaovend" ta solamemte na ún lugá na mundu, i esei ta: na Limburg!

Pero ... antó ... eorei, áta e hendenan di Kòrsou ta aparesé,,,,, afortunadamente .... ku un regalo briyante: nan Marchanan di Karnaval! Klaro ku mi ta bai wak, ta un goso sin fin, ta algu formidabel, ku un kantidat di hende, huntu ta logra realisá... den un palabra: Fantástiko!! Trahe di disfras ku bo mente no por kèch den un dos tres; baile ku ta duna un hulandes doló den hep den 10 minut; muzik, kasi semper bibu, brass band; bo ta rondoná di hende ku ta gosa di nan fiesta. Tin grupo di mèi 300 hende ta kana, swing, baila i ta kambia tur kaya ku nan disfras kolorido; bo ta keda wak i eksperensiá, 2 pa 3 ora, algu di un otro mundu ... I ta té ora bo yega kas bo ta realisá, bo ta sinti algu di noshon di ki sorto di aventura bo tabata den .... Espumante!!

Wèl, Ata aki mi ta ofresé boso mi blog i website, tokante mi pashon, dediká na Karnaval di Kòrsou. Un homenage na tur e hendenan ku ta hasi e fiesta akí ta un realidat!

Un danki grandi di kurason na tur hende ku a kontribuí na e website akí; na tur e yunan di Korsou ku a risibí mi ku brasa abrí, mashá mashá danki. Mi ta ofresé boso mi reverensia profundo.

Danki Danki Danki X

Pa tur esnan ku no ta konosí ku e Vastelaovend (karnaval) di Limburg, akí un impreshon di e LVK, nos konkurso di kantikanan di karnaval, esta manera e festival di tumba, pero nèt un poko diferente. J

Imáhennan ta di L1

Redakshon by Maria Muller