Riba 17 di sèptèmber último e grupo di karnaval estreno mas pikete a presentá nan trahenan di karnaval “fantasia di pantomine”den Sambil. E evento tabata/ ta mi promé eksperensha(eksepto for di mira e marcha tur aña), mirando e “inside” di karnaval na Kòrsou. Harmá ku un buki di anotashon i mi kámara mi tabata den e sala grandi (naturalmente demasiado tempran manera ulandesnan) unda e evento lo a bai tuma lugá. Es mas mi no tabatin niun idea Kiko lo bini, pues m’a puntra algún damanan bunita sinta na mi mesa Kiko nan relashon ku e grupo di karnaval ta. Nan a kontami ku te ku awor nan tabata partisipá den e grupo di tiner di un di e mamanan, pero ku awor nan ta grandi sufisiente pa partisipá den e grupo di adulto. Nan entusiasmo tabata chispa i despues a sigui un splikashon amplio riba Estreno mas pikete.

Entretantu a drenta inkreibelmente hopi hende den e sala , hopi fotógrafo i vidiógrafo. Ku mi kámara di stèl, m’a buska un pida lugá na banda, pa asina mi no pèrdè nada ora e evento kuminsá ;-). Porfin e banda a kuminsá toka i e públiko a basha bai otro banda di e sala, nèt kaminda ami tabata pará. Promé ku mi por a realisá ya a bini un par di modelonan bunita bailando den trahenan fabuloso! ..Ai No, Saka pòrtrèt no tabata por, mi tabata pará tras di hopi hende, pero smak e ambiente sí, esaki tabata total!

E presentashon di e trahenan a sigui bai te riba e ensenario i despues nan a baila mei mei di e públiko riba  zonidunan rítmiko di e banda. E tabata un fiesta fenomenal i mi tabatin e oportunidat pa mira e arte di e trahenan i nan atributonan dja serka . mi tin masha atmirashon p’e esaki, tantu pa e diseño komo e ehekushon i e kara bon makiyá. Delaster un detaye, Tremendo!!!

Lamentablemente, ku mi arte di fotografia no a lusi mashá e anochi ei, pero danki Dios Ramsay Soemanta a pone su portrètnan disponibel pa e blòg akí, mi ta masha agradesidu J!

Entretantu mi tabatin un kòmbersashon ameno ku e presidente Quincy Sintiago i mi por laga bo sera konosí ku e grupo di estreno mas pikete,  lesa mas Estreno mas Pikete

Video: This is only the fiësta of Presenting the Costumes. In the marcha there will be 500! people dancing in this group.

Filmpje is van van de FB Pagina van Estreno Mas Pikete, like, and you will be updated !

Geen Facebook, maar toch beelden zien? Hierbij een andere link,  https://www.youtube.com/watch?v=MkujWHGzXvk  filmpje van: Guillomir Servanie.