Ainda mas, orguyoso manera un pouís sjansen i baila!

Manera di blòg anteriormente, mi tabata presente na e presentashon di trahe di Estreno mas pikete den Sambil. E anochi ei tabata pa mi tremendismo, te ku mi a tuma e kurashi pa tuma kontakto ku e presidente Quincy Sintiago pa un entrevista.

Quincy huntu ku su ruman hòmber Hyacinth ta un di e fundadónan i e motor tras di e grupo di Estreno Mas Pikete. E grupo MAS ( ta nifiká mas), ta e grupo di hóbennan ku a bini for di e grupo Estreno Di Pikete. E grupo akí (DI) a wòrdu fundá dor di e mayornan di Quincy i Hyacinth, esta,Edgar i Rudtlyn Sintiago i nan ta selebrá e aña akí (2016) 40 aña di eksistensha. Quincy a mustra mi hopi pòrtrèt, tambe esnan di hopi aña atras di e grupo Estreno di Pikete, di e trahenan bunita ku te awe ainda ta wòrdu diseñá pa su mama, Rudtlyn.  Nan a gana hopi premionan bailando i partisipando den e marcha. Manera mi por a komprondé, e aña akí Estreno di pikete ta salí tur afó ku nan trahenan, pa motibu di nan aniversario i nan lo partisipá ku 150 partisipante. Mi ta spera ku pronto lo mi bini ku un otro entrevista ku e grupo akí, pa asina mi duna bo mas informashon i pòrtrèt.

Pero, enfin, pa nos bai bèk na Estreno Mas Pikete. Durante mi kòmbersashon i sigur ora Hyacinth a presentá su mes, a bira pami bon kla kon grandi i kon imenso e organisashon di e grupo mester ta. Tambe tin hopi komishonnan ta trahando riba diferente tereno pa regla asuntonan. I ya tur riba base boluntario. E kantidat di registrashon e aña akí ta enorme, mas o ménos 900(!) Estreno Mas Pikete a risibí. Finalmente, nan mester a hasi un selekshon pasó nan tin lugá pa solamente 500 partisipante. Tal selekshon ta fèrfelu pa hasi, m’a komprondé. Ta konsiderá kuantu aña bo tin den e grupo i/òf si tin famia o amigunan di partisipantenan ta partisipá ets, ets. Quincy a indiká ku 500 partisipante ta realmente e máksimo, pasobra enkuanto trahenan i logístiko esaki no ta realisabel. Awó, si bo mira e trahenan bon, personalmente mi ta haña ku ta un prestashon tremendo pa den un korto tempu asina pa un kantidat grandi asina di hende por realisá esaki, tambe pasó tin hopi obra di man hinka den dje.  Mi kòmplimènt pa esaki, palabranan no ta sufisiente pa eskpresá esaki!!

Den mi mes m’a pensa, esei sí ta un trabou gigantesko pa organisá tur e kosnan ei, naturalmente ta bini aun mas kos aserka. Karnaval ta meskos ku Vastelaovend na Limburg, bon mirá no ta solamente e marcha mes naturalmente. Akí hopi gruponan di karnaval ta organisá nan propio jump-in. Un jump-in ta un festival kaminda miles di hende ta bin baila ku musik en bibu (djùmp). Akí Hyacinth a tuma e palabra i a duna di konosé ku e aña akí nan ta organisá e jump-in huntu ku e grupo Wepa; Hak’e, riba tereno di Sambil. E aña akí ku kuater esenario, bandanan i hopi artistanan popular. Hyacinth a mustra mi riba su laptop un vista den formato 3-D di e setup i sí, mi tabata realmente impreshoná. 

I awor, papiando riba músika, Estrena Mas Pikete tin tur aña un banda den e marcha. Asta ta asina ku nan tin un banda di kas; esaki ta Dreams. Nan a toka durante e presentashon di trahe kaminda ya m’a menshoná den e blòg anterior. Pa reglá musik den e marcha tambe tin un komishon apart ku ta regla esaki. I ami komo públiko mi ta bira masha kontentu mes di tende esaki. Ta masha leuk pa skucha e músika en bibu i mira e kantantenan pasa den e grupo kantando.

E promé entrevista ku mi a hasi ku un grupo di karnaval a habri mi wowonan riba kuantu amor i e kantidat di tempu ku ta hinka den karnaval di Kòrsou por lo general i partikularmente serka e grupo akí. Hopi hende ta hasi nan esfuerso máksimo pa bini dilanti ku hopi orguyo komo un grupo fantástiko di karnaval; Estreno Mas Pikete. Por medio di esaki, mi kier a ekspresá mi gratitut na Quincy i Hyacinth, ku a pesar di nan hopi trabounan, nan a traha tempu pa e entrevista akí. Mi ta desea nan hopi éksito den e tempu bendidero pa nan trese un espektákulo grandioso den e marcha. 

Sigui lesa Estreno mas Pikete